കൊണ്ടോട്ടി: നഗരസഭ കൗണ്‍സിലര്‍മാര്‍ ഇറക്കിയ നെല്‍കൃഷിയില്‍ വിളവെടുത്തു. കൊണ്ടോട്ടി നഗരസഭക്ക് മുന്നിലെ ഒരു ഏക്കറോളം സ്ഥലത്താണ് കൗണ്‍സിലര്‍മാര്‍ നെല്‍കൃഷിയിറക്കി വിളവെടുത്തത്. കൃഷിക്ക് ഭരണ പ്രതിപക്ഷ വ്യത്യാസമില്ലാതെ കൗണ്‍സിലര്‍മാര്‍ ഒന്നിച്ച് നിന്നാണ് നെല്‍കൃഷി ഇറക്കിയത്. കൃഷിയുടെ വിളവെടുപ്പിന്റെ ഉദ്ഘാടനം ചെയര്‍മാന്‍ സി.കെ. നാടിക്കുട്ടി നിര്‍വഹിച്ചു. 50,000 രൂപ ചെലവിലാണ് കൃഷി ഒരുക്കിയത്.വൈസ് ചെയര്‍പേഴ്‌സണ്‍ കെ. നഫീസ, സ്ഥിരംസമിതി അധ്യക്ഷര്‍, കൗണ്‍സിലര്‍മാര്‍ എന്നിവര്‍ സംബന്ധിച്ചു.