എടവണ്ണപ്പാറ: വാഴയൂരില്‍ നിന്ന് ഹാന്‍സിന്റെ വന്‍ ശേഖരം പിടികൂടി. വാഴയൂരിലെ പലചരക്ക് കച്ചവടക്കാരനായ പുത്തലത്ത് മുഹമ്മദലി (56) യുടെ വീട്ടില്‍ നിന്നാണ്് 995 പായ്ക്കറ്റ് ഹാന്‍സ്് വാഴക്കാട് എസ്.ഐ എസ്. സന്തോഷിന്റെ നേതൃത്വത്തില്‍ പിടികൂടിയത്. നാട്ടുകാരുടെ പരാതിയെ തുടര്‍ന്ന് പലചരക്ക് കട പൊലിസ് പരിശോധിച്ചെങ്കിലും ഒന്നും കിട്ടിയില്ല. തുടര്‍ന്ന് വീടും പരിസരവും പരിശോധിച്ചപ്പോള്‍ അലക്കുകല്ലിന്റെ അടുത്ത് ചമ്മല കൊണ്ട് മൂടിയ നിലയിലും വീട്ടിലുള്ള വാഹനത്തില്‍ നിന്നും കണ്ടെത്തുകയായിരുന്നു. ഇയാള്‍ക്കെതിരേ കേസെടുത്തു കോടതിയില്‍ ഹാജരാക്കി. സ്‌കൂള്‍ വിദ്യാര്‍ഥികളും ദൂര സ്ഥലങ്ങളില്‍ നിന്നുപോലും ഇവിടെക്ക് ലഹരി വസ്തുക്കള്‍ വാങ്ങാന്‍ ആളുകള്‍ എത്താറുണ്ടെന്ന് നാട്ടുകാര്‍ പറഞ്ഞു. പൊലിസുകാരായ രതീഷ്, അബൂബക്കര്‍, സന്തോഷ്, ശ്രീകാന്ത്, സുബൈര്‍ നേതൃത്വം നല്‍കി.