പുലാമന്തോള്‍: നിലമ്പൂര്‍-പെരുമ്പിലാവ് സംസ്ഥാനപാതയിലെ പുലാമന്തോള്‍ യു.പിയിലെ സ്ഥിരം അപകട മേഖലയായ യു.പി വളവില്‍ വീണ്ടും വൈദ്യുതിത്തൂണില്‍ കാറിടിച്ചു. ഇന്നലെ രാവിലെ 7.30ഓടെ തൃശൂര്‍ ഭാഗത്തുനിന്നു പെരിന്തല്‍മണ്ണ ഭാഗത്തേക്കു പോകുകയായിരുന്ന കാറാണ് അപകടത്തില്‍പ്പെട്ടത്.
യു.പി വളവിലെത്തിയതോടെ കാറിന്റെ പിന്‍വശത്തെ ടയര്‍ പൊട്ടുകയായിരുന്നു. സംഭവത്തെ തുടര്‍ന്നു നിയന്ത്രണംവിട്ട കാര്‍ സമീപത്തെ വൈദ്യുതിത്തൂണിന് ഇടിച്ച ശേഷമാണ് നിന്നത്. യു.പി വളവില്‍ സ്ഥിതിചെയ്യുന്ന ഈ വൈദ്യുതിത്തൂണില്‍ മൂന്നാം തവണയാണ് വാഹനമിടിക്കുന്നത്. കാറിലുണ്ടായിരുന്ന രണ്ടു പേര്‍ക്കും പരുക്കുകളില്ല.