പെരുമ്പടപ്പ്: ചന്ദനക്കുടം നേര്‍ച്ചയോടനുബന്ധിച്ച കാഴ്ചവരവിനിടെ സംഘര്‍ഷം. പാലപ്പെട്ടി സ്വദേശി  ബീരാന്റെകത്ത് അബ്ദുറഹിമാനാ (35) ണ് ആക്രമണത്തില്‍ പരുക്കേറ്റത്. വ്യാഴാഴ്ച രാത്രി 7. 30നാണ് സംഭവം.
പാലപ്പെട്ടിയില്‍നിന്നുള്ള  കാഴ്ച വരവിനിടെയാണ് പുതിയിരുത്തി വെസ്റ്റ് മുസ്‌ലിം പള്ളിക്കടുത്തുവെച്ച് എട്ടു പേരടങ്ങുന്ന സംഘം ആക്രമിച്ചത്. തലയ്‌ക്കേറ്റ പരുക്ക് ഗുരുതരമായതിനാല്‍ തൃശൂര്‍ സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലാണ്. ആയുധങ്ങളുമായി സംഘടിച്ചെത്തിയ സംഘം കാഴ്ചവരവിനെ അനുഗമിച്ചുകൊണ്ടിരുന്ന അബ്ദുറഹിമാനെ അക്രമിക്കുകയായിരുന്നു. ബന്ധുവായ വിദ്യാര്‍ഥിനിയെ നിരന്തരമായി ശല്യം ചെയ്തിരുന്നത് നേരത്തെ ചോദ്യം ചെയ്തിരുന്നു. ഇതിലുള്ള പ്രതികാരമാകും ആക്രമണമെന്നാണ് കരുതുന്നത്. പെരുമ്പടപ്പ് പൊലിസില്‍ പരാതി നല്‍കി.