ഉരുവച്ചാല്‍: ഉരുവച്ചാലില്‍ ബൈക്കും ലോറിയും കൂട്ടിയിടിച്ചതിനെത്തുടര്‍ന്ന് ബൈക്ക് യാത്രികനായ മട്ടന്നൂരിലെ സഹദ് (20)ന് പരുക്കേറ്റു. ഇന്നലെ ഉച്ചയ്ക്ക്  ഉരുവച്ചാല്‍ ടൗണിലാണ് അപകടം. സഹദിനെ ഉരുവച്ചാല്‍ മെഡിക്കല്‍ സെന്റര്‍ ആശുപത്രിയില്‍ പ്രവേശിപ്പിച്ചു. ശിവപുരം ഭാഗത്തേക്ക് തിരിഞ്ഞ്  പോവുകയായിരുന്ന മിനി ലോറിയുടെപിറകില്‍ ബൈക്ക് ഇടിക്കുകയായിരുന്നു. സഹദ് ഹെല്‍മറ്റ് ധരിച്ചതിനാല്‍ കൂടുതല്‍ അപകടം ഒഴിവായി.