ജക്കാര്‍ത്ത: ഇന്തോനേഷ്യയില്‍ അഞ്ചാം പനി പടരുന്നു. പോഷകാഹാരക്കുറവിനാലും അഞ്ചാം പനിയാലും ഇതുവരെ 69 കുട്ടികള്‍ മരിച്ചു. ഇന്തോനേഷ്യയുടെ കിഴക്കന്‍ പ്രദേശമായ പപ്യുവയിലാണ് രോഗം വ്യാപകമായത്. എന്നാല്‍ മരിച്ചവരുടെ എണ്ണം ഇതില്‍ കൂടുതലാണെന്ന് പ്രദേശിക ചര്‍ച്ച് അധികൃതര്‍ പറഞ്ഞു.
രോഗ ബാധിത പ്രദേശങ്ങളില്‍ സര്‍ക്കാര്‍ ആരോഗ്യ അടിയന്തരാവസ്ഥ പ്രഖ്യാപിച്ചെങ്കിലും ഇതുവരെ ഡോക്ടര്‍മാരുടെ സേവനം എത്താത്ത പ്രദേശങ്ങളുണ്ട്. ഇന്തോനേഷ്യന്‍ സര്‍ക്കാര്‍ ആവശ്യമായ സേവനങ്ങള്‍ നല്‍കുന്നില്ലെന്ന് അലോസിയുസ് ബോര്‍മെ പ്രദേശവാസി മാധ്യമങ്ങളോട് പറഞ്ഞു.