ഇന്നലെ മൂന്നു കിണറുകളില്‍ മലിനജലം കയറി. വെള്ളത്തിന് നിറവ്യത്യാസവും രൂക്ഷ ഗന്ധവുമുണ്ട്.
പയ്യന്നൂര്‍: ഏഴിമല നാവിക അക്കാദമി മാലിന്യ പ്ലാന്റില്‍ നിന്നുള്ള മലിനജലം കൂടുതല്‍ കിണറുകളിലേക്ക് വ്യാപിക്കുന്നു. ഇന്നലെ മൂന്നു കിണറുകളില്‍ മലിനജലം കയറി.
വെള്ളത്തിന് നിറവ്യത്യാസവും രൂക്ഷ ഗന്ധവുമുണ്ട്. ഇതില്‍ പ്രകോപിതരായ നാട്ടുകാര്‍ അക്കാദമി ഗേറ്റിലേക്ക് മാര്‍ച്ച് നടത്തി.
ഇന്നലെ രാവിലെയാണ് വെള്ള നിറത്തോടു കൂടിയ വെള്ളം കിണറുകളില്‍ ഉയര്‍ന്നത്. സംഭവമറിഞ്ഞതോടെ പഞ്ചായത്ത് പ്രസിഡന്റ് അടക്കമുള്ളവര്‍ സംഭവസ്ഥലത്തെത്തി. നേവല്‍ അക്കാദമി അധികൃതരുമായി ബന്ധപ്പെട്ടപ്പോള്‍ ആദ്യം ഉദ്യോഗസ്ഥര്‍ സംഭവസ്ഥലം സന്ദര്‍ശിക്കാമെന്ന് പഞ്ചായത്ത് പ്രസിഡന്റിന് ഉറപ്പു നല്‍കി. എന്നാല്‍ ഉച്ചയായിട്ടും അധികൃതര്‍ എത്താത്തതില്‍ പ്രതിഷേധിച്ചാണ് നാട്ടുകാര്‍ മാര്‍ച്ച് നടത്തിയത്. പഞ്ചായത്ത് പ്രസിഡന്റ് എം.വി ഗോവിന്ദന്‍ ഉദ്ഘാടനം ചെയ്തു. ആര്‍ കുഞ്ഞികൃഷ്ണന്‍ അധ്യക്ഷനായി. കെ.പി.സി നാരായണ       പൊതുവാള്‍, കെ.ടി സഹദുല്ല സംസാരിച്ചു.