കുമളി : ഒന്‍പതു വയസുകാരിയെ ഒരു വര്‍ഷമായി ലൈംഗികമായി പീഡിപ്പിച്ചുവന്നയാള്‍ അറസ്റ്റില്‍. കുമളിക്ക് സമീപം ചെങ്കര സ്വദേശി കറുപ്പുസ്വാമി (48) ആണ് അറസ്റ്റിലായത്. സംഭവം സംബന്ധിച്ച് പൊലിസ് പറയുന്നത്-എസ്‌റ്റേറ്റ് തൊഴിലാളിയായ കറുപ്പുസ്വാമി  തയ്യല്‍ ജോലിയും ചെയ്തിരുന്നു.
സ്‌കൂളിലേക്ക് ആവശ്യമായ ടെസ്റ്റര്‍ ഉള്‍പ്പെടെയുള്ള വസ്തുക്കളും പാവകളും നിര്‍മിച്ച് ഇയാള്‍ നല്‍കിയിരുന്നു. ഇതുമായി ബന്ധപ്പെട്ട് പെണ്‍കുട്ടികള്‍ ഉള്‍പ്പെടെയുള്ളവര്‍ ഇയാളുടെ അടുക്കല്‍ എത്തിയിരുന്നു. ഇത് മുതലാക്കിയാണ് ഇയാള്‍ പെണ്‍കുട്ടിയെ വശത്താക്കിയത്. അടുത്തിടെ പെണ്‍കുട്ടി ഇക്കാര്യം അധ്യാപകരോട് പറഞ്ഞതിനെ തുടര്‍ന്ന് ചൈല്‍ഡ് ലൈനുമായി ബന്ധപ്പെട്ട പൊലിസില്‍ പരാതി നല്‍കുകയായിരുന്നു.
തുടര്‍ന്നാണ് പ്രതിയെ കുമളി എസ് .ഐ. പ്രകാശ് അറസ്റ്റ് ചെയ്തത്. കഴിഞ്ഞ ഓണാഘോഷക്കാലം മുതല്‍  ഇയാള്‍ പ്രായപൂര്‍ത്തിയാകാത്ത പെണ്‍കുട്ടിയെ നിരവധി തവണ പീഡിപ്പിച്ചതായി പൊലിസ് പറഞ്ഞു.  ഇന്ന് പ്രതിയെ പീരുമേട് കോടതിയില്‍ ഹാജരാക്കും.