കരുനാഗപ്പള്ളി: ജോലി കഴിഞ്ഞ് കരുനാഗപ്പള്ളി കെ.എസ്.ആര്‍.ടി.സി സ്റ്റാന്റില്‍  നിന്ന പത്രപ്രവര്‍ത്തകയെ ആക്രമിക്കാന്‍ ശ്രമിക്കുകയും അശ്ലീല ചുവയോടെ സംസാരിക്കുകയും ചെയ്ത യുവാവിനെ പൊലിസ് അറസ്റ്റ് ചെയ്തു. പാവുമ്പ മണപ്പള്ളി മുനീര്‍ മന്‍സിലില്‍ മുനീറിനെയാണ് അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ  റിമാന്‍ഡ് ചെയ്തു.
കഴിഞ്ഞ ദിവസം രാത്രി ഒന്‍പതരക്കായിരുന്നു  സംഭവം. ഓഫീസില്‍ നിന്നും ജോലി കഴിഞ്ഞ് ബസ് സ്റ്റാന്റില്‍ ഭര്‍ത്താവ് വരുന്നതും കാത്ത് നിന്ന യുവതിയെ ഇയാള്‍ കടന്നു പിടിക്കാന്‍ ശ്രമിക്കുകയായിരുന്നു. യുവതി അറിയിച്ചതനുസരിച്ച് പൊലിസെത്തി പിടികൂടുകയായിരുന്നു.