ലണ്ടന്‍: കരുത്തരായ ചെല്‍സിയെ സ്വന്തം തട്ടകത്തില്‍ 2-1ന് വീഴ്ത്തി ആഴ്‌സണല്‍ ഇംഗ്ലീഷ് ലീഗ് കപ്പിന്റെ ഫൈനലില്‍. സെമിയിലെ ആദ്യ പാദത്തില്‍ ഇരു ടീമുകളും ഗോള്‍രഹിത സമനിലയില്‍ പിരിഞ്ഞപ്പോള്‍ രണ്ടാം പാദ പോരാട്ടത്തിലെ 2-1ന്റെ വിജയ ബലത്തിലാണ് ഗണ്ണേഴ്‌സ് മുന്നേറിയത്. ഫൈനലില്‍ മാഞ്ചസ്റ്റര്‍ സിറ്റിയുമായി ആഴ്‌സണല്‍ ഏറ്റുമുട്ടും. ഏഴാം മിനുട്ടില്‍ ഹസാദിലൂടെ മുന്നിലെത്തിയ ചെല്‍സിക്ക് പക്ഷേ 12ാം മിനുട്ടില്‍ റൂഡിഗറിന്റെ സെല്‍ഫ് ഗോള്‍ തിരിച്ചടിയായി. പിന്നീട് 60ാം മിനുട്ടില്‍ സാക്ക പീരങ്കിപ്പടയ്ക്ക് വിജയ ഗോള്‍ സമ്മാനിച്ചു.