കൊല്‍ക്കത്ത: ഐ.എസ്.എല്‍ പോരാട്ടത്തില്‍ കോച്ച് മാറിയിട്ടും അമ്ര ടീം കൊല്‍ക്കത്തയ്ക്ക് മാറ്റമില്ല. ടെഡ്ഡി ഷെറിങ്ഹാമിന് പകരം ആഷ്‌ലി വെസ്റ്റ്‌വുഡ് വന്നിട്ടും എ.ടി.കെ സ്വന്തം തട്ടകത്തില്‍ ചെന്നൈയിന്‍ എഫ്.സിയോട് 2-1ന് തോല്‍വി വഴങ്ങി. 44ാം മിനുട്ടില്‍ പാറ്റേഴ്‌സനിലൂടെ മുന്നിലെത്തിയ എ.ടി.കെ രണ്ടാം പകുതിയില്‍ രണ്ട് ഗോള്‍ വഴങ്ങിയാണ് പരാജയം സമ്മതിച്ചത്. 52ാം മിനുട്ടില്‍ മെയ്ല്‍സന്‍, 64ല്‍ ജെജെ ലാല്‍പെഖുലെ എന്നിവരാണ് ചെന്നൈയിനായി വല ചലിപ്പിച്ചത്. ജയത്തോടെ ചെന്നൈയിന്‍ തലപ്പത്തേക്ക് കയറി.