കോഴിക്കോട്: പിഞ്ചുഹൃദയങ്ങളില്‍ നന്മയുടെ ദിശാബോധം വളര്‍ത്തുന്ന അല്‍ബിര്‍റ് പ്രീസ്‌കൂള്‍ കാലത്തിന്റെ ആവശ്യമാണെന്ന് സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പറഞ്ഞു.
കോഴിക്കോട് മലബാര്‍ ഗേറ്റ് ഹോട്ടലില്‍ നടന്ന അല്‍ബിര്‍റ് മാനേജ്‌മെന്റ് മീറ്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്്‌ലിയാര്‍ അധ്യക്ഷനായി. ജില്ലാതല കിഡ്‌സ് ഫെസ്റ്റില്‍ വിജയിച്ച സ്‌കൂളുകള്‍ക്കുള്ള ട്രോഫി മുഹമ്മദ് കോയ തങ്ങള്‍ ജമലുല്ലൈലി  വിതരണം ചെയ്തു.
സമസ്ത മാനേജര്‍ കെ. മോയിന്‍കുട്ടി മാസ്റ്റര്‍, ഡയറക്ടര്‍ എന്‍.എ.എം അബ്ദുല്‍ഖാദിര്‍, ഫൈസല്‍ പുല്ലാളൂര്‍ സംസാരിച്ചു. കണ്‍വീനര്‍ കെ. ഉമര്‍ ഫൈസി മുക്കം സ്വാഗതം പറഞ്ഞു. വിവിധ സെഷനുകളിലായി അസ്ഗറലി ഹുദവി ഷാര്‍ജ, ഇസ്മാഈല്‍ മുജദ്ദിദി, റഷീദ് മാസ്റ്റര്‍, ഹാരിസ് ഹുദവി ക്ലാസെടുത്തു.