ന്യൂഡല്‍ഹി: റിപ്പബ്ലിക് ദിനത്തില്‍ പരേഡ് കാണുന്നതിനായി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിക്ക് കേന്ദ്രസര്‍ക്കാര്‍ ഇരിപ്പിടം നല്‍കിയത് ആറാം നിരയില്‍. ചരിത്രത്തില്‍ ആദ്യമായാണ് പ്രതിപക്ഷ പാര്‍ട്ടിയുടെ നേതാവിന് ഇത്രയും പിന്നില്‍ ഇരിപ്പിടം നല്‍കുന്നതെന്ന് കോണ്‍ഗ്രസ് ആരോപിച്ചു. പൊതുജനങ്ങളോട് തൊട്ടടുത്ത നിരയിലിരുന്നാണ് രാഹുല്‍ ഗാന്ധി റിപ്പബ്ലിക് ദിന പരേഡ് വീക്ഷിച്ചത്.

മുതിര്‍ന്ന കോണ്‍ഗ്രസ് നേതാവ് ഗുലാം നബി ആസാദും രാഹുലിനൊപ്പമുണ്ടായിരുന്നു. രാഹുലിനെ പൊതുജനങ്ങള്‍ക്കായി സൗകര്യപ്പെടുത്തിയതിന് തൊട്ടടുത്ത് ഇരുത്തിയതിനാല്‍, അവരുടെ കാഴ്ചയ്ക്കുള്ള അവസരം കൂടി നഷ്ടപ്പെട്ടു. കാരണം, രാഹുലിന്റെ സുരക്ഷാഭടന്മാര്‍ പിന്നിലായി കൂടിനിന്നിരുന്നു.

അതേസമയം, ബി.ജെ.പി അധ്യക്ഷന്‍ അമിത്ഷാ മുതിര്‍ന്ന നേതാവ് എല്‍.കെ അദ്വാനിക്കൊപ്പം മുന്‍നിരയില്‍ തന്നെ ഇടംപിടിച്ചിരുന്നു.

രാഹുലിന്‍ നാലാം നിരയിലാണ് ഇരിപ്പിടമുണ്ടാവുകയെന്ന് ഇന്നലെ വാർത്തകളുണ്ടായിരുന്നു. ഇതില്‍ ശക്തമായ പ്രതിഷേധവുമായി കോണ്‍ഗ്രസ് രംഗത്തെത്തിയിരുന്നു. എന്നാല്‍ ഇന്നാണറിയുന്നത്, നാലിലുമല്ല, ആറാം നിരയിലാണെന്ന്.