കൊച്ചി: ഐസ്‌ലന്‍ഡ് താരം ഗുഡ്‌യോണ്‍ ബാള്‍ഡ് വിന്‍സണ്‍ കേരള ബ്ലാസ്റ്റേഴ്‌സിന് വേണ്ടി ബൂട്ടണിയും. മാര്‍ക് സിഫ്‌നിയോസിന് പകരക്കാരനായാണ് ഗുഡ്‌യോണ്‍ ബ്ലാസ്റ്റേഴ്‌സിലെത്തുന്നത്. ഐസ്‌ലന്‍ഡ് ദേശിയ ടീമില്‍ കളിച്ചിട്ടുള്ള ഗുഡ്‌യോണ്‍ എഫ്.സി സെന്റ് ജെര്‍നനില്‍ നിന്ന് ലോണടിസ്ഥാനത്തിലാണ് ടീമിലെത്തുന്നത്.

ഐ.എസ്.എല്ലില്‍ കളിക്കാനെത്തുന്ന ആദ്യ ഐസ്‌ലന്‍ഡ് താരമാണ് ഗുഡ്‌യോണ്‍ ബാള്‍ഡ് വിന്‍സണ്‍. സീസണിലെ നിര്‍ണായക ഘട്ടത്തിലാണ് മാര്‍ക് സിഫ്‌നിയോസ് ബ്ലാസ്റ്റേഴ്‌സ് വിട്ടത്. കൊച്ചിയില്‍ ശനിയാഴ്ച ഡല്‍ഹി ഡൈനാമോസിനെ നേരിടാനിരിക്കെയാണ് ബ്ലാസ്റ്റേഴ്‌സ് നിരയിലേക്ക് പുതിയ താരത്തിന്റെ വരവ്.