പള്ളങ്കോട്:  റിപ്പബ്ലിക് ദിന ആഘോഷത്തിന്റെ ഭാഗമായി `സുരക്ഷിതം ഇന്ത്യ ഇൗ കരങ്ങളിൽ ' എന്ന പ്രമേയം ഉയർത്തിപ്പിടിച്ച് കൊണ്ട് പള്ളങ്കോട് ഹയാത്തുൽ ഇസ്‌ലാം മദ്രസ എസ് കെ എസ് ബി വി യുടെ ആഭിമുഖ്യത്തിൽ ബാല ഇന്ത്യ സംഘടിപ്പിച്ചു. മദ്റസാ വിദ്യാർത്ഥികൾ വെള്ള വസ്ത്രം അണിഞ്ഞ് ഇന്ത്യയുടെ ഭൂപടത്തിന്റെ ചുറ്റും അണിനിരന്നു.

പ്രതിജ്ഞയും ദേശഭക്തി ഗാനവും ദേശീയ ഗാനവും ആലപിച്ചു. മദ്രസ കമ്മിറ്റി പ്രസിഡന്റ് എം യൂസഫ് ഹാജി പതാക ഉയർത്തി. ഉസാം പള്ളങ്കോട് സ്വാഗതം പറഞ്ഞു. സദർ മുഅല്ലിം അലി ഫൈസി അധ്യക്ഷത വഹിച്ചു. മജീദ് ബദന , ഇബ്രാഹിം ഖലീൽ ഹനീഫി, അസീസ് ഹനീഫി, സുബൈർ അസ്ഹരി, പി മുഹമ്മദ് കുഞ്ഞി, സിദ്ദീഖ്, ആശിർ, പി കേ മുഹമ്മദലി, അബ്ദുല്ല ഹാജി, ഹസൈനാർ പൊയിൽ, ഉമ്പായി, മിദ്‌ലജ്, ഉബൈദ് പി, ബിശ്രുൽ ഹാഫീ, ജംഷീർ പ്രസംഗിച്ചു.