പാലക്കാട്: സാംസ്‌ക്കാരിക -നിയമ-പിന്നോക്കക്ഷേമ മന്ത്രി എ.കെ ബാലന്‍ ഇന്ന് ജില്ലയില്‍ വിവിധ പരിപാടികളില്‍ പങ്കെടുക്കും. രാവിലെ 10-ന് ജില്ല കലക്ടര്‍ പി മേരിക്കുട്ടിയുമായി ജില്ല കലക്ടറുടെ ചേബറില്‍ ജില്ലയിലെ വിവിധ വിഷയങ്ങള്‍ സംബന്ധിച്ച് ചര്‍ച്ച നടത്തും. 10.15ന് ജില്ല പഞ്ചായത്ത് കോണ്‍ഫറന്‍സ് ഹാളില്‍ ജില്ല പഞ്ചായത്ത് ജീവനക്കാര്‍ മന്ത്രിക്ക് സ്വീകരണം നല്‍കും. 10.30ന് കാലവര്‍ഷ മുന്നൊരുക്കം സംബന്ധിച്ച് മന്ത്രിയുടെ നേതൃത്വത്തില്‍ ജില്ല പഞ്ചായത്ത് കോണ്‍ഫറന്‍സ് ഹാളില്‍ ഉദ്യോഗസ്ഥരുടെ യോഗം. വൈകീട്ട് മൂന്ന് മണിക്ക് പാലക്കാട് പ്രസ് ക്ലബില്‍ പത്രസമ്മേളനം. 3.30ന് കോട്ടായിലെ ചെമ്പൈ സ്മാരക മന്ദിരത്തില്‍ പുഷ്പാര്‍ച്ചന, നാലിന് ചെര്‍പ്പുളശ്ശേരിയിലെ കവി ഒളപ്പമണ്ണയുടെ ഭവനം സന്ദര്‍ശിക്കും. 4.30ന് നടന്‍ ഒടുവില്‍ ഉണ്ണികൃഷ്ണന്റെ കേരളശ്ശേരിയിലുളള ഭവനം സന്ദര്‍ശിക്കും.