കോഴിക്കോട്: പൂനെ ഇന്‍ഫോസിസില്‍വച്ച് കൊല്ലപ്പെട്ട രസീല രാജുവിന്റെ മരണത്തിലെ ദൂരൂഹതകള്‍ പുറത്ത് കൊണ്ട് വരണമെന്നാവശ്യപ്പെട്ട് നാട്ടുകാരും സഹപാഠികളും പ്രതിഷേധിച്ചു.
കടപ്പുറത്ത് നിന്നാരംഭിച്ച വായ്മൂടിക്കെട്ടി പ്രതിഷേധ പ്രകടനം മുതലക്കുളത്ത് സമാപിച്ചു.
കേസിലെ കോര്‍പ്പറേറ്റ് വമ്പന്‍മാരുടെ പങ്ക് അന്വേഷിക്കുന്നതിനും കേസ് സി.ബി.ഐക്ക് കൈമാറുന്നതിനും ദ്രുതഗതിയില്‍ നടപടി സ്വീകരിക്കണമെന്ന് പ്രതിഷേധക്കാര്‍ ആവശ്യപ്പെട്ടു.
ശേഷം കിഡ്‌സണ്‍ കോര്‍ണറില്‍ രസീല രാജുവിന്റെ ഓര്‍മക്കായി പ്രതിഷേധക്കാര്‍ മെഴുകുതിരി കത്തിച്ചുവച്ച് മൗനപ്രാര്‍ഥന നടത്തി.