പയ്യോളി: 'മികച്ച ഗ്രേഡോടെ സമ്പൂര്‍ണ വിജയം' സന്ദേശത്തില്‍ അയല്‍പക്ക പഠനകേന്ദ്രങ്ങളൊരുക്കി പയ്യോളി ഹൈസ്‌കൂള്‍. ജില്ലാ പഞ്ചായത്തിന്റെ സമഗ്ര വിദ്യാഭ്യാസ പദ്ധതിയുടെ ഭാഗമായിട്ടാണ് പരിപാടി.
ഒന്‍പത് അയല്‍പക്ക കേന്ദ്രങ്ങളാണ് ആരംഭിച്ചിട്ടുള്ളത്. ഓരോ സ്ഥലത്തും സംഘാടക സമിതികള്‍ രൂപീകരിച്ചിട്ടുണ്ട്. കോടിക്കല്‍, പള്ളിക്കര, തൃക്കോട്ടൂര്‍, പയ്യോളി, കീഴൂര്‍, അയനിക്കാട്, ഭജനമഠം, അയനിക്കാട് വെസ്റ്റ്, തിക്കോടി എന്നിവിടങ്ങളിലാണ് പഠനകേന്ദ്രങ്ങള്‍.