കൊയിലാണ്ടി: കൊയിലാണ്ടി കൂട്ടം ഗ്ലോബല്‍ കമ്മ്യൂണിറ്റിയുടെ കാരുണ്യഹസ്തം 2017 പദ്ധതിയുടെ ഭാഗമായി പത്മശ്രീ ഗുരു ചേമഞ്ചേരിയെ ആദരിച്ചു. മുല്ലപ്പള്ളി രാമചന്ദ്രന്‍ എം.പി ഉദ്ഘാടനം ചെയ്തു.
നഗരസഭാ ചെയര്‍മാന്‍ അഡ്വ. കെ. സത്യന്‍ അധ്യക്ഷനായി. മലബാറിന്റെ പൊതു കലാവേദിയില്‍ നിറഞ്ഞുനില്‍ക്കുന്ന കലാകാരനാണ് ഗുരു എന്ന് മുല്ലപ്പള്ളി പറഞ്ഞു.
ചടങ്ങില്‍ നിര്‍ധന കുടുംബത്തിനു വീട് നിര്‍മിക്കാനുള്ള ഭൂമിയുടെ പ്രമാണ കൈമാറ്റം എം.പി നിര്‍വഹിച്ചു.
പി.എസ്.സി അംഗം ടി.ടി ഇസ്മയില്‍, മാങ്ങോട്ടില്‍ സുരേന്ദ്രന്‍, സത്യനാഥന്‍ മാടഞ്ചേരി, വി.വി സുധാകരന്‍, കെ.കെ മുഹമ്മദ്, കെ.ടി.എം കോയ, അഡ്വ. വി. സത്യന്‍, ബാലന്‍ അമ്പാടി, എ. അസീസ്, ആര്‍.ടി മുരളി, മനോജ് കുമാര്‍ കാപ്പാട്, ജസീര്‍ കാപ്പാട്, അഷ്‌റഫ് കോട്ടക്കല്‍, അമീര്‍ അലി, റാഷിദ് സമസ്, ടി. അനില്‍കുമാര്‍, ശ്രീജിത്ത് വിയ്യൂര്‍ സംസാരിച്ചു.