തളിപ്പറമ്പ്: കണ്ണൂര്‍ സര്‍വകലാശാലാ വിദൂരവിദ്യാഭ്യാസ കായികമേള മാങ്ങാട്ട്പറമ്പ് മൈതാനത്ത് കെ.എ.പി ബറ്റാലിയന്‍ കമാന്‍ഡന്റ് കോറി സഞ്ജയ് കുമാര്‍ ഗുരുദിന്‍ ഉദ്ഘാടനം ചെയ്യ്തു. കെ.എന്‍ രാധാകൃഷ്ണന്‍ അധ്യക്ഷനായി. രാജേഷ് പാലങ്ങാട്ട്, യു നാരായണന്‍, ബിന്ദു സജിത്ത്കുമാര്‍ സംസാരിച്ചു.
കാസര്‍കോട്, കണ്ണൂര്‍, വയനാട് ജില്ലകളിലെ പത്ത് സോണുകളില്‍ നിന്നും തെരഞ്ഞെടുക്കപ്പെട്ടവരാണ് മത്സരങ്ങളില്‍ മാറ്റുരയ്ക്കുന്നത്. വിജയികള്‍ക്ക് കണ്ണൂര്‍ സര്‍വകലാശാല കായിക വിഭാഗം ഡയറക്ടര്‍ പി.ടി ജോസഫ് സമ്മാനം നല്‍കി. ഇന്ന് കെ.എ.പി മൈതാനത്ത് ഫുട്‌ബോള്‍ മത്സരവും കണ്ണൂര്‍ സര്‍വകലാശാല മാങ്ങാട്ടുപറമ്പ് ക്യാംപസ് ഇന്‍ഡോര്‍ സ്‌റ്റേഡിയത്തില്‍ ഷട്ടില്‍ ടൂര്‍ണമെന്റും നടക്കും.
18,19 തിയതികളില്‍ ധര്‍മ്മശാല ഗവ എന്‍ജിനിയറിങ് കോളജ് ഗ്രൗണ്ടില്‍ ക്രിക്കറ്റ് മത്സരം. ഇന്നലെ നടന്ന മത്സരങ്ങളില്‍ നിന്ന് 91 പോയിന്റോടെ കണ്ണൂര്‍ സോണ്‍ ഒന്നാം സ്ഥാനത്തുണ്ട്. തളിപ്പറമ്പ് സോണ്‍ 56, ഇരിട്ടി 40 പോയിന്റ്.