ദുബൈ: കേരളത്തിന് പുറത്തു ജോലി ചെയ്യുന്ന മലയാളികളുടെ ജീവിതം കൂടുതല്‍ ഗൗരവമായ രീതിയില്‍ വായിക്കപ്പെടേണ്ടതുണ്ടെന്ന് നിയമസഭാ സ് പീക്കര്‍ പി ശ്രീരാമകൃഷ്ണന്‍. ദുബൈ ആസ്ഥാനമായി പ്രവര്‍ത്തിക്കുന്ന ഇന്നവേറ്റീവ് മീഡിയ ഗ്രൂപ്പ് പുറത്തിറക്കിയ 'ശക്തരായ 100 മലയാളികള്‍' എന്ന കോഫി ടേബിള്‍ ബുക്ക് പ്രകാശനം ചെയ്യുകയായിരുന്നു അദ്ദേഹം. എം.കെ ഗ്രൂപ്പ് എക്‌സിക്യുട്ടീവ് ഡയറക്ടര്‍ എം.എ അഷ്‌റഫലി ആദ്യ പ്രതി ഏറ്റുവാങ്ങി.
പുസ്തകത്തിന്റെ ഓണ്‍ലൈന്‍ എഡിഷന്‍ ഉദ്ഘാടനം റീജന്‍സി ഗ്രൂപ്പ് ചെയര്‍മാന്‍ ഷംസുദ്ധീന്‍ ബിന്‍ മുഹ്‌യിദ്ദീന്‍ നിര്‍വഹിച്ചു. ഡോ. പി.എ ഇബ്രാഹിം ഹാജി, പ്രശാന്ത് മങ്ങാട്ട്, മദീന ഗ്രൂപ്പ് മാനേജിങ് ഡയറക്ടര്‍ അബ്ദുല്ല പൊയില്‍, ഡോ. പുത്തൂര്‍ റഹ്മാന്‍, യു.എ.ഇ എക്‌സ്‌ചേഞ്ച് സി.ഇ.ഒ പ്രമോദ് മങ്ങാട്ട്, മോഹന്‍ നമ്പ്യാര്‍, ഫാത്തിമ ഗ്രൂപ്പ് ചെയര്‍മാന്‍ ഇ.പി മൂസ ഹാജി, ജയിംസ് മാത്യു, അന്‍വര്‍ നഹ, കെ.കെ മൊയ്തീന്‍ കോയ സംസാരിച്ചു.