കണ്ണൂര്‍: തൊഴിലാളി സമരത്തിന് വിലക്കേര്‍പ്പെടുത്തിയ ഹൈക്കോടതി നടപടി സംഘടിക്കാനും സമരം ചെയ്യാനുമുള്ള ജനാധിപത്യാവകാശങ്ങള്‍ നിഷേധിക്കുന്ന നടപടിയാണെന്ന് എം.വി ജയരാജന്‍.
കോടതിയില്‍ നിന്ന് ഇത്തരം തീരുമാനങ്ങള്‍ ഉണ്ടാവുന്നത് ഉചിതമല്ല. ജില്ലയിലെ 136 പെട്രോള്‍ പമ്പുകളിലെയും 38 ഗ്യാസ് ഏജന്‍സികളിലെയും മുഴുവന്‍ തൊഴിലാളികളും സിഐടിയു, ഐഎന്‍ടിയുസി, ബിഎംഎസ് എന്നീ ട്രേഡ് യൂണിയനുകളുടെ നേതൃത്വത്തില്‍ കൂലി വര്‍ധനവ് ആവശ്യപ്പെട്ടാണ് അനിശ്ചിതകാല സമരം പ്രഖ്യാപിച്ചത്. നിയമാനുസൃതമുള്ള പണിമുടക്ക് നോട്ടിസ് നല്‍കിയിരുന്നു. തൊഴില്‍വകുപ്പ് നാലുതവണ അനുരഞ്ജന ചര്‍ച്ച നടത്തി. അതിലൊന്നും മാനേജ്‌മെന്റ് കൂലിവര്‍ദ്ധിപ്പിക്കാന്‍ തയ്യാറായില്ല. ഞായറാഴ്ച അര്‍ധരാത്രി മുതല്‍ പെട്രോള്‍പമ്പ്ഗ്യാസ് തൊഴിലാളികള്‍ നടത്തുന്ന സമരം ചര്‍ച്ചയിലൂടെ പരിഹരക്കണമെന്ന് എം.വി ജയരാജന്‍ വാര്‍ത്താകുറിപ്പില്‍ പറഞ്ഞു.