ഹൈദരാബാദ്: തെലുങ്കാനയില്‍ മാവോയിസ്റ്റുകള്‍ നടത്തിയ ആക്രമണത്തില്‍ ഒരാള്‍ കൊല്ലപ്പെട്ടു. ഒരാള്‍ക്ക് പരുക്കേറ്റു.

തെലുങ്കാനയില്‍ മൂന്നിടങ്ങളിലാണ് മാവോയിസ്റ്റുകള്‍ ആക്രമണം നടത്തിയത്. വീരപുരം ഗ്രാമത്തില്‍ നടന്ന വെടിവയ്പ്പില്‍ മാവോയിസ്റ്റ് മുന്‍ അനുഭാവിയായിരുന്ന പി. ജോഗയ്യയാണ് കൊല്ലപ്പെട്ടത്. ഭദ്രാചലത്ത് മാവോയിസ്റ്റുകള്‍ നടത്തിയ വെടിവയ്പിലാണ് ഒരാള്‍ക്കു പരുക്കേറ്റത്. പരുക്കേറ്റ എം.രമേശും മാവോയിസ്റ്റ് അനുഭാവിയാണെന്ന് പൊലിസ് പറഞ്ഞു.

മാവോയിസ്റ്റുകള്‍ നാല് ട്രക്കുകള്‍ ഉള്‍പ്പെടെ നിരവധി വാഹനങ്ങളും കത്തിച്ചതായും പൊലിസ് അറിയിച്ചു. സംഭവവുമായി ബന്ധപ്പെട്ട് പൊലിസ് അതീവ ജാഗ്രതാ നിര്‍ദ്ദേശം നല്‍കിയിട്ടുണ്ട്.