പെരുമ്പടപ്പ്: വെളിയംകോട് ചന്ദനക്കുടം നേര്‍ച്ചയോടനുബന്ധിച്ച കാഴ്ചവരവിനിടെ ഒരു സംഘമാളുകള്‍ യുവാവിനെ അക്രമിച്ചസംഭവത്തില്‍ എട്ടു പേര്‍ക്കെതിരേ പെരുമ്പടപ്പ് പൊലിസ് വധശ്രമത്തിനു കേസെടുത്തു.
പാലപ്പെട്ടി സ്വദേശി ബീരാന്റകത്ത് അബ്ദുറഹിമാനാ (35) ണ് അക്രമത്തില്‍ ഗുരുതരമായി പരുക്കേറ്റത്. കഴിഞ്ഞ വ്യാഴാഴ്ച രാത്രി 7.30നാണ് സംഭവം. പാലപ്പെട്ടി സ്വദേശികളായ മുബശ്ശിര്‍, റിയാസ്, ഹനീഫ, അക്ബര്‍, ഹളര്‍ഷ എന്നിവരുടെ നേതൃത്വത്തിലുള്ള സംഘമാണ് അക്രമിച്ചതെന്ന അബ്ദുറഹിമാന്റെ മൊഴിയുടെ അടിസ്ഥാനത്തിലാണ് പെരുമ്പടപ്പ് പൊലിസ് കേസെടുത്തത്. പ്രതികള്‍ക്കായി അന്വേഷണം ഊര്‍ജിതമാക്കിയതായി പെരുമ്പടപ്പ് സബ് ഇന്‍സ്‌പെക്ടര്‍ രാജേന്ദന്ദ്രന്‍ നായര്‍ പറഞ്ഞു.