മണ്ണാര്‍ക്കാട്: വെളളിയാര്‍പ്പുഴയില്‍ വീണ്ടും മാരകമായ വിഷം കലര്‍ത്തി മീന്‍ പിടിത്തം. പുഴയിലെ വലുതും ചെറുതുമായ മീനുകള്‍ ചത്തുപൊങ്ങി. വെളളിയാര്‍പ്പുഴയിലെ പാലക്കടവ്, കുണ്ടുളളി, പൂക്കാടംഞ്ചേരി ഭാഗങ്ങളിലാണ് വ്യാഴാഴ്ച അര്‍ദ്ധ രാത്രിയോടെ സാമൂഹ്യവിരുദ്ധര്‍ വിഷം കലക്കിയത്.
നരവധി കുടിവെളള പദ്ധതികള്‍ക്ക് വെളളമെടുക്കുന്ന പുഴയില്‍ വിഷം കലര്‍ത്തിയത് കുടിവെളള വിതരണത്തെയും ബാധിക്കാനിടയാവും. പുഴകളില്‍ താല്‍കാലികമായി കെട്ടിനിര്‍ത്തിയ തടയണകളിലെ വെളളവും ഇതോടെ ദര്‍ഗന്ധം വമിച്ച് ഉപയോഗ ശൂന്യമായി. കഴിഞ്ഞ ആഴ്ചയില്‍ കക്കുണ്ട്, കൊമ്പംകല്ല് ഭാഗങ്ങളിലെ പുഴയിലും വിഷം കലര്‍ത്തി മീന്‍ പിടിച്ചിരുന്നു. നാട്ടുകല്‍ പൊലിസ് സ്ഥലത്തെത്തി.