പുത്തന്‍ചിറ: നിര്‍മാണം പാതിയില്‍ നിലച്ച കരിങ്ങാച്ചിറ റഗുലേറ്റര്‍ കം ബ്രിഡ്ജിന്റെ നിര്‍മാണം പുനരാരംഭിക്കുന്നതിന് മുന്‍കൈയെടുത്ത പുത്തന്‍ചിറ ഗ്രാമപഞ്ചായത്ത് എട്ടാം വാര്‍ഡ് മെമ്പര്‍ പി.ഐ നിസാറിനെ കരിങ്ങാച്ചിറ ജനകീയ കൂട്ടായ്മയുടെ ആഭിമുഖ്യത്തില്‍ ആദരിച്ചു . നവജീവന്‍ ഹോപ്പ് കാന്‍സര്‍ ഇന്‍സ്റ്റിറ്റ്യൂട്ട് തലവന്‍ ഡോ എം.ജി ഷേണായി പി.ഐ നിസാറിനെ പൊന്നാടയണിയിച്ച് ആദരിച്ചു.
കരിങ്ങാച്ചിറ ജനകീയ കൂട്ടായ്മ പ്രസിഡന്റ് മാങ്കപ്പാടത്ത് സാലി സജീര്‍ അധ്യക്ഷനായി.പുത്തന്‍ചിറയിലെ പൈതൃക സ്മാരകങ്ങളുടെ സംരക്ഷണത്തിനും മെമ്പര്‍ ശക്തമായ ഇടപെടലുകള്‍ നടത്തിയിരുന്നു. കൂട്ടായ്മയുടെ സെക്രട്ടറി യു.കെ വേലായുധന്‍,മധു കടപ്പൂക്കര,രവീന്ദ്രന്‍ തെക്കേടത്ത് ,സൈനുദ്ധീന്‍ പുത്തന്‍ചിറ,ഹംസ പിണ്ടാണി ,രവി ,അന്‍സാര്‍ റിയാസ് ,മജീദ് ടി.എ,ഷാജി,കുഞ്ഞുമുഹമ്മദ് എന്നിവര്‍ പങ്കെടുത്തു.