കടമേരി: റഹ്മാനിയ്യ ഗോള്‍ഡന്‍ ജൂബിലി പ്രഖ്യാപന സനദ്ദാന സമ്മേളനത്തിന് പ്രൗഢ സമാപനം. പണ്ഡിതന്മാരും സാമൂഹിക രാഷ്ട്രീയ രംഗത്തെ പ്രമുഖരും സംബന്ധിച്ച സമാപന ചടങ്ങില്‍ 109 യുവ പണ്ഡിതര്‍ 'റഹ്മാനി' ബിരുദം സ്വീകരിച്ചു. പാണക്കാട് സയ്യിദ് ഹൈദരലി ശിഹാബ് തങ്ങള്‍ സമാപന സമ്മേളനം ഉദ്ഘാടനം ചെയ്തു. ഗോള്‍ഡന്‍ ജൂബിലി 2022 ജനുവരിയില്‍ നടക്കുമെന്ന് തങ്ങള്‍ പ്രഖ്യാപിച്ചു. ചടങ്ങില്‍ കോളജ് പ്രന്‍സിപ്പല്‍ എം.ടി അബ്ദുല്ല മുസ്‌ലിയാര്‍ അധ്യക്ഷനായി. സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍ സനദ്ദാന പ്രഭാഷണം നടത്തി. കേരളത്തിലെ മുസ്‌ലിം വൈജ്ഞാനിക മേഖലക്കു വലിയ സംഭാവന നല്‍കിയ സമസ്തയുടെ ഉന്നത സ്ഥാപനമാണ് റഹ്മാനിയ്യ അറബിക് കോളജെന്നും വ്യത്യസ്ത പ്രബോധന പ്രവര്‍ത്തനങ്ങളില്‍ റഹ്മാനികളുടെ സംഭാവന മാതൃകാപരമാണെന്നും ജിഫ്‌രി തങ്ങള്‍ അഭിപ്രായപ്പെട്ടു. എം.കെ മുനീര്‍ എം.എല്‍.എ വിശിഷ്ടാതിഥിയായി.
ഗ്ലോബല്‍ അസോസിയേഷന്‍ ഓഫ് റഹ്മാനീസ് നല്‍കിയ കോട്ടുമല ബാപ്പു മുസ്‌ലിയാര്‍ മെമ്മോറിയല്‍ എക്‌സലന്‍സി പുരസ്‌കാരം സയ്യിദ് ജിഫ്‌രി മുത്തുക്കോയ തങ്ങള്‍ക്ക് സയ്യിദ് ഹൈദരലി ശിഹാബ് തങ്ങള്‍ സമര്‍പ്പിച്ചു. വിവിധ പരീക്ഷകളിലെ വിജയികള്‍ക്കുള്ള ബാപ്പു മുസ്‌ലിയാര്‍ സ്മാരക അവാര്‍ഡ് റഹ്മാനിയ്യ യു.എ.ഇ കമ്മിറ്റി പ്രസിഡന്റ് ഇബ്‌റാഹിം മുറിച്ചാണ്ടി വിതരണം ചെയ്തു. ചേലക്കാട് മുഹമ്മദ് മുസ്‌ലിയാര്‍ പ്രാര്‍ഥന നിര്‍വഹിച്ചു. വാക്കോട് മൊയ്തീന്‍കുട്ടി മുസ്‌ലിയാര്‍, അബ്ദുല്‍ ഹക്കീം ഫൈസി ആദൃശ്ശേരി, എ.വി അബ്ദുറഹ്മാന്‍ മുസ്‌ലിയാര്‍, സത്താര്‍ പന്തലൂര്‍, എ.വി അബൂബക്കര്‍ ഖാസിമി, എസ്.പി.എം തങ്ങള്‍ സംബന്ധിച്ചു. കൊയ്യോട് ഉമര്‍ മുസ്‌ലിയാര്‍ മുഖ്യപ്രഭാഷണം നടത്തി. അബ്ദുല്‍ ഹമീദ് ഫൈസി അമ്പലക്കടവ്, ഫരീദ് റഹ്മാനി കാളികാവ് എന്നിവര്‍ സമാപന പ്രഭാഷണം നടത്തി. ചീക്കിലോട്ട് കുഞ്ഞബ്ദുല്ല മുസ്‌ലിയാര്‍ സ്വാഗതവും നാളോങ്കണ്ടി അബ്ദുറഹ്മാന്‍ മുസ്‌ലിയാര്‍ നന്ദിയും പറഞ്ഞു.
രാവിലെ നടന്ന അറബിക് കോളജ്, ബോര്‍ഡിങ് മദ്‌റസ, അഗതി വിദ്യാകേന്ദ്രം, പബ്ലിക് സ്‌കൂള്‍ പൂര്‍വവിദ്യാര്‍ഥി സംഗമം മുനവ്വറലി ശിഹാബ് തങ്ങള്‍ ഉദ്ഘാടനം ചെയ്തു. ഷാജഹാന്‍ റഹ്മാനി കമ്പളക്കാട് അധ്യക്ഷനായി. കോഡൂര്‍ മുഹ്‌യുദ്ദീന്‍കുട്ടി മുസ്‌ലിയാര്‍ പ്രാര്‍ഥന നടത്തി. സിദ്ദീഖ് നദ്‌വി ചേറൂര്‍, അബ്ദുറഹ്മാന്‍ ഫൈസി അരിപ്ര എന്നിവര്‍ വിഷയാവതരണം നടത്തി. പി. അമ്മദ് മാസ്റ്റര്‍, വി.വി മുഹമ്മദലി, കെ.ടി അബ്ദുറഹ്മാന്‍, നൊച്ചാട്ട് കുഞ്ഞബ്ദുല്ല, സലാം ഫൈസി മുക്കം, അസീസ് ഫൈസി കടിയങ്ങാട്, ലത്തീഫ് ഫൈസി തിരുവള്ളൂര്‍, ടി.പി.കെ ഫൈസി, സിദ്ദീഖ് ഹാജി കാര്‍ത്തികപ്പള്ളി, പി.കെ നവാസ് മടപ്പള്ളി, സൈദലവി റഹ്മാനി ഗൂഢല്ലൂര്‍, ഡോ. ശഫീഖ് റഹ്മാനി വഴിപ്പാറ, പ്രൊഫ. സി.എച്ച് നാസര്‍ കാസര്‍കോട്, ഡോ. മുഹമ്മദ് മുസ്തഫ, യൂസുഫ് റഹ്മാനി ചെമ്പ്രശ്ശേരി, എം.കെ റഷീദ് വില്ല്യാപ്പള്ളി, ഉമര്‍ റഹ്മാനി പുല്ലൂര്‍, ഹാരിസ് റഹ്മാനി തിനൂര്‍, സലാം റഹ്മാനി കൂട്ടാലുങ്ങല്‍, ഡോ. അബ്ദുറഹ്മാന്‍ കാളമ്പാടി, ഫൈസല്‍ മാസ്റ്റര്‍ മണിയൂര്‍, സി.എ നൗഫല്‍ തിരുവള്ളൂര്‍, എ.എം ജലീല്‍ വേളം, നൗഷാദ് വേളം, ലത്വീഫ് മാസ്റ്റര്‍ ചീക്കിലോട്ട് സംബന്ധിച്ചു. ഹനീഫ് റഹ്മാനി കൊടുവള്ളി സ്വാഗതം പറഞ്ഞു.
രാവിലെ നടന്ന 'കുടുംബം' സെഷനില്‍ അറബിക് കോളജ് വിദ്യാര്‍ഥികളും ബിരുദധാരികളും കുടുംബവും ഒത്തുചേര്‍ന്നു. ശമീറലി ശിഹാബ് തങ്ങള്‍ ഉദ്ഘാടനം ചെയ്തു. ചിറക്കല്‍ ഹമീദ് മുസ്‌ലിയാര്‍ അധ്യക്ഷനായി. മുഹമ്മദ് നിസാം പാവറട്ടി, റഫീഖ് സക്കരിയ്യ ഫൈസി എന്നിവര്‍ വിഷയാവതരണം നടത്തി. മുസ്തഫ റഹ്മാനി വാവൂര്‍, ഹുസൈന്‍ റഹ്മാനി ചെമ്മാണിയോട്, സലാഹുദ്ദീന്‍ റഹ്മാനി വേങ്ങൂര്‍ സംബന്ധിച്ചു. ബഷീര്‍ ഫൈസി ചീക്കൊന്ന് സ്വാഗതവും പി.പി അഷ്‌റഫ് മൗലവി നന്ദിയും പറഞ്ഞു.