പാരിസ്: ഇരട്ട ഗോളുകളുമായി നെയ്മര്‍ തിളങ്ങിയ പോരാട്ടത്തില്‍ പി.എസ്.ജി സ്വന്തം തട്ടകത്തില്‍ 4-0ത്തിന് മോണ്ട്‌പെല്ലിയറിനെ തകര്‍ത്ത് ഫ്രഞ്ച് ലീഗ് വണ്‍ കിരീടത്തിലേക്ക് കൂടുതല്‍ അടുത്തു.
ശേഷിച്ച ഗോളുകള്‍ എഡിന്‍സന്‍ കവാനി, ഡി മരിയ എന്നിവരും വലയിലാക്കി. പി.എസ്.ജിക്കായി ഏറ്റവും കൂടുതല്‍ ഗോള്‍ നേടുന്ന താരമെന്ന റെക്കോര്‍ഡ് കവാനി സ്വന്തമാക്കി. 157ാം ഗോള്‍ ടീമിനായി നേടിയ കവാനി സ്ലാട്ടന്‍ ഇബ്രാഹിമോവിചിന്റെ റെക്കോര്‍ഡാണ് പഴങ്കഥയാക്കിയത്. മറ്റ് മത്സരങ്ങളില്‍ നീസിനെ മെറ്റ്‌സ് 2-1ന് വീഴ്ത്തി. മറ്റൊരു മത്സരത്തില്‍ നാന്റെസ് 3-0ത്തിന് ഗ്യുന്‍ഗാംപിനെ തകര്‍ത്തു.