ജിദ്ദ: ഹറം പദ്ധതിക്ക് നേതൃത്വം നല്‍കുന്ന ബിന്‍ലാദിന്‍ കമ്പനിയുടെ ഓഫിസ് ഭാഗികമായി കത്തി നശിച്ചു. ഹറം ഗസ്സയിലെ കണ്‍സള്‍ട്ടിന്റെ ഓഫിസ് ആണ് തീപിടിച്ചത്. ഞായറാഴ്ച വൈകുന്നേരം നാലിനായിരുന്നു സംഭവം. ഏതാനും തൊഴിലാളികള്‍ക്ക് നേരിയ ശ്വാസം മുട്ടലുണ്ടായതൊഴിച്ച് മറ്റു ആളപായമോ പരുക്കോ ഇല്ല. ഇവര്‍ക്ക് സഊദി റെഡ്ക്രസ്ന്റ് പാരാമെഡിക്കല്‍ ജീവനക്കാര്‍ സ്ഥലത്തുവച്ചു തന്നെ പ്രാഥമികചികിത്സ നല്‍കി.

ഈ സമയം ഹറമില്‍ നമസ്‌കാരം നടക്കുന്ന സമയമായിരുന്നു. ഉടനെ അഗ്‌നിശമന സേന തീ നിയന്ത്രണ വിധേയമാക്കി അഗ്‌നിശമന സേനയുടെ തക്കസമയത്തുള്ള ഇടപെട്ടല്‍ കാരണം മതാഫ് പദ്ധതിയുടെ ടെക്‌നിക്കല്‍ ഓഫിസിലേക്ക് തീ പടരാതെ സംരക്ഷിക്കാനായതെന്ന് മക്ക സിവില്‍ ഡിഫന്‍സ് വക്താവ് മേജര്‍ നായിഫ് അല്‍ ശരീഫ് പറഞ്ഞു.