കല്ലമ്പലം: അധ്യായന വര്‍ഷം ആരംഭിക്കാന്‍ ദിവസങ്ങള്‍ മാത്രം ശേഷിക്കേ കല്ലമ്പലത്തെ ഗതാഗത പരിഷ്‌കരണം പെരുവഴിയില്‍.  
പ്രധാനപ്പെട്ട ജങ്ഷനായിട്ടും ട്രാഫിക് നിയന്ത്രണത്തിന് ഇവിടെ യാതൊരു സംവിധാനവുമില്ല. സ്‌കൂള്‍ തുറക്കുന്നതോടെ രാവിലെയും വൈകിട്ടും
ഇവിടെ കുട്ടികളുടെ തിരക്കായിരിക്കും.കുട്ടികളെ സുരക്ഷിതമായി റോഡ് മുറിച്ചു കടത്തുന്നതിനും യാതൊരു നടപടിയുമുണ്ടായിട്ടില്ല.
ഒറ്റൂര്‍, കരവാരം, നാവായികുളം എന്നീ ഗ്രാമപഞ്ചായത്തുകളുടെ സംഗമ സ്ഥാനമാണ് കല്ലമ്പലം. തിരുവനന്തപുരം-കൊല്ലം മേഖലയുടെ മധ്യഭാഗം. ഇവിടെ ദേശീയപാതയിലൂടെ നൂറുകണക്കിന് വാഹനങ്ങളാണ് ദിവസവും കടന്നുപോകുന്നത്.