തിരുവനന്തപുരം: സംസ്ഥാനത്ത് ഇനി ഗര്‍ഭപാത്രവും മാറ്റിവയ്ക്കാം. ജീവിച്ചിരിക്കുന്നവരില്‍നിന്ന് ഗര്‍ഭപാത്രം മാറ്റിവയ്ക്കാന്‍ സംസ്ഥാനത്തെ രണ്ട് സ്വകാര്യ ആശുപത്രികള്‍ക്ക് മെഡിക്കല്‍ വിദ്യാഭ്യാസ ഡയറക്ടര്‍ അനുമതി നല്‍കി.
കൊച്ചിയിലെ അമൃത, സണ്‍റൈസ് ആശുപത്രികള്‍ക്കാണ് അനുമതി നല്‍കിയത്. അമൃതക്ക് കഴിഞ്ഞ ഡിസംബറിലും സണ്‍റൈസ് ആശുപത്രിക്ക് ഈ മാസവുമാണ് അനുമതി നല്‍കിയത്.
ജീവിച്ചിരിക്കുന്നവരില്‍നിന്നോ മസ്തിഷ്‌ക മരണം സംഭവിച്ചവരില്‍നിന്നോ ഗര്‍ഭപാത്രം മാറ്റിവയ്ക്കാമെങ്കിലും ജീവിച്ചിരിക്കുന്നവരില്‍ നിന്നുള്ള മാറ്റിവയ്ക്കലാണ് വിജയകരമായിട്ടുള്ളത്.
കുഞ്ഞുങ്ങളുണ്ടായി കഴിഞ്ഞാല്‍ മാറ്റിവച്ച ഗര്‍ഭപാത്രം നീക്കംചെയ്യണം. അല്ലെങ്കില്‍ ജീവിതകാലം മുഴുവന്‍ മരുന്നുകള്‍ കഴിക്കേണ്ടിവരും. രക്തക്കുഴലുകള്‍ വിജയകരമായി യോജിപ്പിക്കുന്നതാണ് ശസ്ത്രക്രിയയില്‍ പ്രധാനം.