കോഴിക്കോട്: കോഴിക്കോട് ബീച്ച് വേദിയായ ആറാമത് ദേശീയ ഫുട്ട്‌വോളി ചാംപ്യന്‍ഷിപ്പിലെ പുരുഷ വനിത വിഭാഗത്തില്‍ ഒഡിഷ ഇരട്ട കിരീടം കരസ്ഥമാക്കി. പുരുഷ വിഭാഗം ഫൈനലില്‍ മഹാരാഷ്ട്രയെ കീഴടക്കിയാണ് ഒഡിഷ കിരീടത്തില്‍ മുത്തമിട്ടത്. ആതിഥേയരായ കേരളത്തിനാണ് മൂന്നാം സ്ഥാനം. വനിതാ വിഭാഗത്തില്‍ ഡല്‍ഹിയെ പരാജയപ്പെടുത്തിയാണ് ഒഡിഷ ചാംപ്യന്‍മാരായത്. തമിഴ്‌നാടിനാണ് മൂന്നാം സ്ഥാനം.
സമാപന ചടങ്ങില്‍ ജില്ലാ പഞ്ചായത്ത് പ്രസിഡന്റ് ബാബു പറശ്ശേരി വിജയികള്‍ക്കുള്ള മെഡലുകളും ട്രോഫിയും വിതരണം ചെയ്തു. ഫുട്ട്‌വോളി അസോസിയേഷന്‍ ഓഫ് ഇന്ത്യയുടെ പ്രസിഡന്റ് റാം ആവത്തര്‍ അധ്യക്ഷനായി. കേരള ഒളിംപിക് അസോസിയേഷന്‍ സെക്രട്ടറി ജനറല്‍ പി.എ. ഹംസ മുഖ്യാതിഥിയായി. ഫുട്ട്‌വോളി അസോസിയേഷന്‍ ജനറല്‍ സെക്രട്ടറി എ.കെ മുഹമ്മദ് അഷറഫ്, സ്‌പോര്‍ട്‌സ് കൗണ്‍സില്‍ മെമ്പര്‍ ടി.എം അബ്ദുറഹിമാന്‍, എം രൂപേഷ്, ഇല്ലിയാസ് സി.ടി, മുഹമ്മദ് ഹസ്സന്‍, എം.എ സാജിത്, എന്‍.പി തന്‍വീര്‍, എം മുസക്കോയ, കബീര്‍ സലാല, വി.കെ തങ്കച്ചന്‍, പി ഷഫീഖ് സംസാരിച്ചു.