പഴുവില്‍: വിദ്യാര്‍ഥികളുള്‍പ്പെടെയുള്ള കാല്‍നടയാത്രക്കാര്‍ക്ക് സഹായവുമായി പഴുവില്‍ പാലത്തിലെ ഗതാഗതം നിയന്ത്രിക്കാന്‍ പൊലിസ് എത്തി. പാലത്തില്‍ക്കൂടിയുള്ള വലിയ വാഹനങ്ങളുടെ ഗതാഗതം വര്‍ധിച്ചതോടെ കാല്‍നടക്കാര്‍ക്കു നടന്നുപോകാനാവാത്ത അവസ്ഥയായിരുന്നു. കഴിഞ്ഞ മാസം സ്‌കൂള്‍ വിദ്യാര്‍ഥികള്‍ ഒരു മണിക്കൂറോളം പാലത്തില്‍ കുടുങ്ങിയത് വാര്‍ത്തയായിരുന്നു.
ഇതുസംബന്ധിച്ച് പൊതുപ്രവര്‍ത്തകനായ ഉമ്മര്‍ പഴുവില്‍ ജില്ലാ കളക്ടര്‍ക്കും എസ്.പിക്കും പരാതി നല്‍കുകയും ചെയ്തു.കാല്‍നടയാത്രക്കാര്‍ക്കു വേണ്ട സൗകര്യമൊരുക്കണമെന്നും സ്‌കൂള്‍ സമയത്തും വൈകിട്ടും പൊലിസിനെ നിയോഗിക്കണമെന്നും പരാതിയില്‍ ആവശ്യപ്പെട്ടിരുന്നു.