കോട്ടയം: കോണ്‍ഗ്രസിനെതിരെ അതിരൂക്ഷ വിമര്‍ശനവുമായി കേരളാ കോണ്‍ഗ്രസ് ചെയര്‍മാന്‍ കെ.എം. മാണി. പാര്‍ട്ടി മുഖമാസികയായ പ്രതിച്ഛായയുടെ പുതിയ ലക്കത്തിലെഴുതിയ ലേഖനത്തിലാണ് കോണ്‍ഗ്രസിനെതിരെ മാണി തുറന്നടിച്ചത്. കര്‍ഷകരെ ഏറ്റവുമധികം വഞ്ചിച്ചത് കോണ്‍ഗ്രസാണ്. ഗാഡ്ഗില്‍, കസ്തൂരിരംഗന്‍ റിപ്പോര്‍ട്ടുകള്‍ വന്നത് കോണ്‍ഗ്രസ് കേന്ദ്രവും കേരളവും ഭരിച്ചപ്പോഴാണ്. രാജ്യത്ത് ഏറ്റവും കൂടുതല്‍ കര്‍ഷക ആത്മഹത്യ ഉണ്ടായതും യു.പി.എയുടെ കാലത്താണാണെന്നും പ്രതിച്ഛായയിലെ ലേഖനത്തില്‍ മാണി പറയുന്നു.

മലയോര മേഖലയിലെ കേരള കോണ്‍ഗ്രസിന്റെ സ്വാധീനം കണ്ട് വിറളിപൂണ്ട കോണ്‍ഗ്രസ് നേതാക്കള്‍ പട്ടയവിതരണം തടസ്സപ്പെടുത്തുകപോലും ചെയ്തുവെന്നും മാണി വിമര്‍ശനം ഉന്നയിക്കുന്നു.