പെരുമ്പാവൂര്‍: പെരുമ്പാവൂര്‍ ജനമൈത്രി പൊലിസിന്റെ ആഭിമുഖ്യത്തില്‍ കുട്ടികള്‍ക്കായി ലഹരി വിരുദ്ധ ക്ലാസ് സംഘടിപ്പിച്ചു. വെങ്ങോല ശാലേം ഹയര്‍ സെക്കന്‍ഡറി സ്‌കൂള്‍ ഓഡിറ്റോറിയത്തില്‍ നടന്ന ചടങ്ങ് റൂറല്‍ ജില്ലാ പൊലീസ് മേധാവി എ.വി ജോര്‍ജ്ജ് ഐ.പി.എസ് ഉദ്ഘാടനം ചെയ്തു. പെരുമ്പാവൂര്‍ ഡി.വൈ.എസ്.പി കെ.എസ് സുദര്‍ശനന്‍ അധ്യക്ഷത വഹിച്ചു. നെര്‍കോടിക് സെല്‍ ഡി.വൈ.എസ്.പി വി.കെ സനല്‍ കുമാര്‍ മുഖ്യപ്രഭാഷണം നടത്തി. സൈബറിനെ കുറിച്ചുള്ള പ്രത്യേക ക്ലാസ് സി.സി.പി.ഒ തല്‍ഹത്ത് നയിച്ചു. ക്ലാസില്‍ വഴികാട്ടിയെന്ന ഹ്രസ്വ ചിത്രം പ്രദര്‍ശിപ്പിക്കുകയും ചെയ്തു. പെരുമ്പാവൂര്‍ സി.ഐ ബൈജു പൗലോസ്, പ്രിന്‍സിപ്പല്‍ എസ്.ഐ പി.എ ഫൈസല്‍, എസ്.ഐ കെ.ജി ജയകുമാര്‍, സ്‌കൂള്‍ മാനേജര്‍ ഐസക്, സണ്ണി തുരുത്തിയില്‍, ശിവന്‍ കദളി, പ്രീത മാത്യു, ബേബി പാറേക്കര, അഡ്വ. ബേസില്‍ കുര്യാക്കോസ് എന്നിവര്‍ സംസാരിച്ചു.