ക്രൈസ്റ്റ്ചര്‍ച്ച്: അണ്ടര്‍ 19 ലോകകപ്പില്‍ പാകിസ്താനെ 203 റണ്‍സിന് തകര്‍ത്ത് കലാശപ്പോരിലേക്ക് യോഗ്യത നേടിയ ഇന്ത്യന്‍ ചുണക്കുട്ടികള്‍ക്കും കോച്ച് രാഹുല്‍ ദ്രാവിഡിനും അഭിനന്ദനപ്രവാഹവുമായി സോഷ്യല്‍ മീഡിയ.  

ഇന്ത്യന്‍ ക്രിക്കറ്റിന്റെ ഭാവി ഭദ്രമെന്ന് തെളിയിക്കുന്ന പ്രകടനമാണ് ദ്രാവിഡിന്റെ കുട്ടികള്‍ പുറത്തെടുത്തതെന്നാണ് ആരാധകര്‍ പറയുന്നു. പാകിസ്താനെതിരെ വന്‍മാര്‍ജിനിലുള്ള ഇന്ത്യന്‍  ജയം ക്രിക്കറ്റ് ലോകം ഒരിക്കലും പ്രതീക്ഷിച്ചിരുന്നില്ല. രാഹുല്‍ ദ്രാവിഡിനാണ് വിജയത്തിന്റെ എല്ലാ ക്രെഡിറ്റുമെന്ന് ആരാധകര്‍ അഭിപ്രായപ്പെട്ടു. വന്മതില്‍ ഇപ്പോഴും ഇന്ത്യന്‍ ക്രിക്കറ്റിനെ സംരക്ഷിക്കുന്നെന്ന് ഒരു ആരാധകന്‍ കുറിച്ചു.

ഇതിഹാസ താരം സചിന്‍ ടെണ്ടുല്‍ക്കറടക്കമുള്ളവരും അഭിനന്ദനവുമായി രംഗത്തെത്തി.