ആലപ്പുഴ: എ.ഐ.എസ്.എഫ് ആലപ്പുഴ ജില്ലാ സമ്മേളനത്തിന് ചേര്‍ത്തലയില്‍ തുടക്കമായി. ചേര്‍ത്തല താലൂക്ക് കേന്ദ്രീകരിച്ച് ആരംഭിച്ച റാലിയില്‍ നൂറുകണക്കിന് വിദ്യാര്‍ത്ഥികള്‍ പങ്കെടുത്തു. വിദ്യാഭ്യാസ മേഖലയുടെ സംരക്ഷണത്തിനായി ജീവന്‍കൊടുത്തും പൊരുതുമെന്ന് റാലിയില്‍ അണിനിരന്ന വിദ്യാര്‍ത്ഥികള്‍ പ്രതിജ്ഞ ചെയ്തു. പുന്നപ്ര-വയലാറിന്റെ ചരിത്രം പേറുന്ന ചേര്‍ത്തല വിദ്യാര്‍ത്ഥികളുടെ കൂട്ടായ്മയില്‍ ചുവപ്പണിഞ്ഞു. ബാന്റുമേളവും നാടന്‍കലാരൂപങ്ങളും റാലിക്ക് അകമ്പടിയേകി.
ജില്ലാ പ്രസിഡന്റ് കെ എസ് ഷിയാദ്, സെക്രട്ടറി എം കണ്ണന്‍, നേതാക്കളായ ഷെമീര്‍ റോഷന്‍, ഡി ചന്ദ്രചൂഢന്‍, ടി പി അര്‍ജ്ജുന്‍രാജ്, വി പി വിഷ്ണു, ആശ എ എം, ബിജോ ബാബു, വിപിന്‍ദാസ് തുടങ്ങിയവര്‍ പ്രകടനത്തിന് നേതൃത്വം നല്‍കി.തുടര്‍ന്ന് നടന്ന പൊതുസമ്മേളനം സി പി ഐ സംസ്ഥാന എക്‌സിക്യൂട്ടീവ് അംഗം പി പ്രസാദ് ഉദ്ഘാടനം ചെയ്തു. ജില്ലാ പ്രസിഡന്റ് കെ എസ് ഷിയാദ് അധ്യക്ഷനായി. സംഘാടക സമിതി ജനറല്‍ കണ്‍വീനര്‍ സി എച്ച് ഹരിജിത്ത് സ്വാഗതം പറഞ്ഞു. ഭക്ഷ്യ-സിവില്‍സപ്ലൈസ് മന്ത്രി പി തിലോത്തമന്‍, സി പി ഐ ജില്ലാ സെക്രട്ടറി ടി ജെ ആഞ്ചലോസ്, ജില്ലാ അസിസ്റ്റന്റ് സെക്രട്ടറി പി വി സത്യനേശന്‍, എ ഐ എസ് എഫ് സംസ്ഥാന പ്രസിഡന്റ് വി വിനില്‍, സി പി ഐ സംസ്ഥാന കൗണ്‍സില്‍ അംഗം അഡ്വ. ജി കൃഷ്ണപ്രസാദ്, ലോകോളജിലെ വിദ്യാര്‍ത്ഥി നേതാക്കളായ ആര്യ വി ജോണ്‍, വിജേഷ് വിജയഗിരി, ജോയല്‍, വിനീഷ് തമ്പി, സുബിന്‍, സംഘാടക സമിതി ചെയര്‍മാന്‍ എന്‍ എസ് ശിവപ്രസാദ്, കെ കെ സിദ്ധാര്‍ത്ഥന്‍, പി എസ് എം ഹുസൈന്‍, ടി ടി ജിസ്‌മോന്‍, അഡ്വ. സി എ അരുണ്‍കുമാര്‍, എസ് പ്രകാശന്‍, എം സി സിദ്ധാര്‍ത്ഥന്‍ തുടങ്ങിയവര്‍ പങ്കെടുത്തു.