പാലാ : ദേശീയ-സംസ്ഥാന പാതയോരങ്ങളിലെ മദ്യശാലകള്‍ ജനവാസ കേന്ദ്രങ്ങളിലേക്കും പാര്‍പ്പിടങ്ങളിലേക്കും മാറ്റുന്നതിനെതിരെ തദ്ദേശവാസികള്‍ക്ക് ജാഗ്രതാമുന്നറിയിപ്പ് നല്‍കുന്ന കെ.സി.ബി.സി. മദ്യവിരുദ്ധ സമിതിയുടെ 'ജനജാഗ്രതായാത്ര' 14-നും 15-നും നടക്കും.
14-ന് രാവിലെ 9.30 ന് മരങ്ങാട്ടുപിള്ളിയില്‍ നിന്നും ആരംഭിക്കുന്ന യാത്ര കെ.സി.ബി.സി. മദ്യവിരുദ്ധസമിതി സംസ്ഥാന സെക്രട്ടറി പ്രസാദ് കുരുവിള ഉദ്ഘാടനം ചെയ്യും. വൈകിട്ട് 5.30ന് കടുത്തുരുത്തിയില്‍ നടക്കുന്ന സമാപന സമ്മേളനം രൂപതാ ഡയറക്ടര്‍ ഫാ. മാത്യു പുതിയിടത്ത് ഉദ്ഘാടനം ചെയ്യും. ഫാ. സഖറിയാസ് ആട്ടപ്പാട്ട് അധ്യക്ഷത വഹിക്കും.
15-ന് രാവിലെ 9.30ന് ഭരണങ്ങാനത്തുനിന്നും ആരംഭിക്കുന്ന യാത്ര മദ്യവിരുദ്ധ കമ്മീഷന്‍ സെക്രട്ടറി ഫാ. ജേക്കബ് വെള്ളമരുതുങ്കല്‍ ഉദ്ഘാടനം ചെയ്യും. വൈകിട്ട് 5.30ന് പൂഞ്ഞാറില്‍ സമാപന സമ്മേളനം നടക്കും. സംസ്ഥാന ആനിമേറ്റര്‍ സിസ്റ്റര്‍ ആനീസ് തോട്ടപ്പള്ളി, സാബു എബ്രാഹം, സിസ്റ്റര്‍ റെനി മേക്കലാത്ത്, ജോസ് ഫ്രാന്‍സിസ്, ജോസ് കവിയില്‍, ഡെയ്‌സി മാത്യു, ആകാശ് ആന്റണി, സിബി ചെരുവില്‍പുരയിടം, മറിയമ്മ ലൂക്കോസ്, എബ്രാഹം ഫ്രെഞ്ചി, ഡെയ്‌സമ്മ ചൊവ്വാറ്റുകുന്നേല്‍, ബെന്നി കൊള്ളിമാക്കിയില്‍, ജോര്‍ജ്ജ് ജോസഫ് എന്നിവര്‍ പ്രസംഗിക്കും.