കൊല്‍ക്കത്ത: പശ്ചിമ ബംഗാളിലെ മുര്‍ഷിദാബാദ് ജില്ലയില്‍ നിറയെ യാത്രക്കാരുമായി പോകുകയായിരുന്ന ബസ് നിയന്ത്രണം വിട്ട് നദിയിലേക്ക് മറിഞ്ഞ് മരിച്ചവരുടെ എണ്ണം 42 ആയി. തിങ്കളാഴ്ച രാവിലെ ദൗലത്താബാദ് ഗ്രാമത്തില്‍ ബംഗാള്‍ ട്രാന്‍സ്‌പോര്‍ട്ട് കോര്‍പറേഷന്റെ ബസാണ് അപകടത്തില്‍പ്പെട്ടത്. നാദിയ ജില്ലയിലെ കരിംപൂരില്‍ നിന്ന് മുര്‍ഷിദാബാദിലെ ബെര്‍ഹാംപൂരിലേക്ക് പോയ ബസാണ് അജയ് നദിക്ക് കുറുകെയുള്ള ബല്ലി പാലത്തിന്റെ കൈവരി തകര്‍ത്ത് താഴേക്ക് പതിച്ചത്. ബസില്‍ 56 യാത്രക്കാരുണ്ടായിരുന്നുവെന്ന് സ്ഥിരീകരിച്ചിട്ടുണ്ട്. മരിച്ചവരില്‍ കൂടുതലും സ്ത്രീകളും കുട്ടികളുമാണ്.