പെരുമ്പാവൂര്‍: അന്തരിച്ച ഇ.അഹമ്മദ് എം.പിയോട് കേന്ദ്ര സര്‍ക്കാര്‍ കാണിച്ച അനാദരവില്‍ പ്രതിഷേധിച്ച് മരണക്കിടക്കയിലും ഫാസിസം എന്ന പ്രമേയത്തില്‍ മുസ്‌ലിം യൂത്ത് ലീഗ് വെങ്ങോല പഞ്ചായത്ത് കമ്മറ്റി പോഞ്ഞാശ്ശേരിയില്‍ പ്രതിഷേധ സംഗമം സംഘടിപ്പിച്ചു.
മുസ്‌ലിം ലീഗ് ജില്ലാ പ്രസിഡന്റ് എം.പി അബ്ദുല്‍ ഖാദര്‍ ഉദ്ഘാടനം ചെയ്തു. അഡ്വ. എല്‍ദോസ് കുന്നപ്പിള്ളി എം.എല്‍.എ മുഖ്യപ്രഭാഷണം നടത്തി. ഇ.അഹമ്മദിനോട് അദ്ദേഹത്തിന്റെ അന്ത്യസമത്ത് കേന്ദ്ര സര്‍ക്കാര്‍ കാണിച്ച അനാദരവ് അങ്ങേയറ്റം നീചമാണെന്ന് എം.എല്‍.എ പ്രസ്താവിച്ചു. യൂത്ത് ലീഗ് വെങ്ങോല പഞ്ചായത്ത് പ്രസിഡന്റ് സി.വൈ അന്‍സാര്‍ അധ്യക്ഷത വഹിച്ചു. യൂത്ത്‌ലീഗ് സംസ്ഥാന കൗണ്‍സിലംഗം ഷിബു മീരാന്‍, എസ്.എഫ്.ഐ ജില്ലാ പ്രസിഡന്റ് നിഖില്‍ ബാബു, എ.ഐ.വൈ.എഫ് സംസ്ഥാന ജോ.സെക്രട്ടറി അഡ്വ. എന്‍.അരുണ്‍, മുസ്‌ലിം ലീഗ് ജില്ലാ സെക്രട്ടറി എം.യു ഇബ്രാഹീം, എസ്.ഷറഫ്, സുബൈര്‍ ഓണംമ്പിള്ളി, ഇ.എസ് സൈനുദ്ദീന്‍, ഇ.പി ഷമീര്‍, ജന.സെക്രട്ടറി സി.എം അനസ്, കെ.പി അബ്ദുല്‍ ജലാല്‍, യു.എ അന്‍സാര്‍, അബ്ദുള്ള കാരുവിള്ളി എന്നിവര്‍ സംസാരിച്ചു.