വാട്‌ഫോര്‍ഡ്: ബാഴ്‌സലോണയുടെ മുന്നേറ്റ താരം ജെറാര്‍ഡ് ഡെലെഫോ ഇനി വാട്‌ഫോര്‍ഡിന് വേണ്ടി ബൂട്ടണിയും. ഈ സീസണ്‍ അവസാനം വരെയാണ് വാട്‌ഫോര്‍ഡ് താരത്തെ ലോണ്‍ അടിസ്ഥാനത്തില്‍ ടീമിലെത്തിച്ചത്.
ബാഴ്‌സ തന്നെയാണ് ഔദ്യോഗിക വെബ്‌സൈറ്റിലൂടെ ഇക്കാര്യം അറിയിച്ചത്. ഒന്‍പതാം വയസില്‍ ബാഴ്‌സയുടെ അക്കാദമിയില്‍ എത്തിയ താരം നേരത്തെ പ്രീമിയര്‍ ലീഗ് ക്ലബായ എവര്‍ട്ടന് വേണ്ടി കളിച്ചിട്ടുണ്ട്. രണ്ട് സീസണുകളില്‍ എവര്‍ട്ടന്‍ ജേഴ്‌സി അണിഞ്ഞ താരത്തെ ഈ സീസണിന്റെ തുടക്കത്തിലാണ് ബാഴ്‌സ വീണ്ടും ക്യാംപ്‌നൂവില്‍ എത്തിച്ചത്. ലോണ്‍ അടിസ്ഥാനത്തില്‍ താരം മിലാന്‍, സെവിയ്യ ക്ലബുകള്‍ക്ക് വേണ്ടിയും കളിച്ചിട്ടുണ്ട്.