മണ്ണഞ്ചേരി: എം.എസ്.എഫ് മണ്ണഞ്ചേരി പഞ്ചായത്ത് സമ്മേളനവും പ്രതിഭാസംഗമവും ഇന്ന് മണ്ണഞ്ചേരി രശ്മി ആഡിറ്റോറിയത്തില്‍ നടക്കും.
സമ്മേളനത്തിന് തുടക്കം കുറിച്ച് രാവിലെ 10ന് പ്രസിഡന്റ് റാഷിദ് ചിയാംവെളി പതാക ഉയര്‍ത്തും.
ഉച്ചക്ക് രണ്ടിന് വിദ്യാര്‍ത്ഥി സമ്മേളനം മുസ്‌ലിം ലീഗ് ജില്ലാ വൈസ് പ്രസിഡന്റ് എം.എ അബൂബക്കര്‍ കുഞ്ഞാശാന്‍ ഉദ്ഘാടനം ചെയ്യും.
യൂത്ത്‌ലീഗ് ജില്ലാ പ്രസിഡന്റ് എ. ഷാജഹാന്‍ മുഖ്യപ്രഭാഷണം നടത്തും.
മുസ്‌ലിംലീഗ് പഞ്ചായത്ത് കമ്മിറ്റി പ്രസിഡന്റ് പി. എസ്. സുനീര്‍ രാജ പ്രതിഭകളെ ആദരിക്കും.
തുടര്‍ന്ന് പുതിയ ഭാരവാഹി തെരഞ്ഞെടുപ്പ് നടക്കും. വൈകിട്ട് നാലിന് നടക്കുന്ന വിദ്യാര്‍ത്ഥി റാലിയോടെ സമ്മേളനം സമാപിക്കും.