തിരുവനന്തപുരം: ലോ അക്കാദമി കവാടത്തിലെ തൂണുകള്‍ റവന്യൂ സകുപ്പ് പൊളിച്ചു നീക്കി. പുറമ്പോക്കില്‍ നിര്‍മിച്ച കവാടമാണ് പൊളിക്കുന്നത്. ഇത് പൊളിച്ചു നീക്കാന്‍ റവന്യൂ വകുപ്പ് നേരത്തെ നിര്‍ദ്ദേശം നല്‍കിയിരുന്നു. എന്നാൽ ശനിയാഴ്ച ഗേറ്റ് മാത്രമേ അക്കാദമി പൊളിച്ച് മാറ്റിയിരുന്നുള്ളു. ഇതിനെ തുടർന്നാണ് റവന്യൂ വകുപ്പ് അക്കാദമിയുടെ മതിലും പൊളിച്ച് മാറ്റിയത്.

നേരത്തെ ഭരണപരിഷ്കാര കമീഷൻ ചെയർമാൻ വി.എസ് അച്യുതാന്ദ ന്റെ പരാതിയുടെ അടിസ്ഥാനത്തിൽ റവന്യു മന്ത്രി ഇ.ചന്ദ്രശേഖരനാണ് ലോ അക്കാദമിയുടെ കൈയേറ്റങ്ങളെ കുറിച്ച് അന്വേഷിക്കാൻ ഉത്തരവിട്ടത്. അക്കാദമിയിലെ അനധികൃത നിർമാണങ്ങൾ പൊളിച്ച് മാറ്റണമെന്ന് റവന്യൂ സെക്രട്ടറി സർക്കാറിന് റിപ്പോർട്ട് നൽകിയിരുന്നു.