ചെന്നൈ: തമിഴ്‌നാട്ടില്‍ അധികാര വടംവലിക്കിടെ ശശികല പക്ഷത്തു നിന്ന് കൂടുതല്‍ പേര് ഒ.പി.എസ് ക്യാംപിലേക്ക്. മൂന്ന് എം.പിമാര്‍ കൂടെ ഇന്ന് കൂറുമാറി പനീര്‍ സെല്‍വത്തിന് പിന്തുണ പ്രഖ്യാപിച്ചു. ഇതോടെ പനീര്‍ ശെല്‍വം പക്ഷത്തെ എം.പിമാരുടെ എണ്ണം എട്ടായി. കൂടാതെ വിദ്യാഭ്യാസ മന്ത്രി കെ പാണ്ഡ്യരാജനും ഒ.പി.എസിന് പിന്തുണയുമായി എത്തിയിട്ടുണ്ട്

പി.പി സുന്ദരം, കെ. അശോക് കുമാര്‍, എസ്.പി സത്യഭാമ, ആര്‍ വനറോജ എന്നിവരാണ് അവസാനമായി ഒ.പി.എസ് പാളയത്തിലെത്തിയ എം.പിമാര്‍

സര്‍ക്കാര്‍ രൂപീകരണത്തിന് അവകാശവാദമുന്നയിച്ച് ഗവര്‍ണര്‍ സി.വിദ്യാസാഗര്‍ റാവുവുമായി കഴിഞ്ഞ ദിവസം കൂടിക്കാഴ്ച നടത്തിയ ശശികല സംഘത്തില്‍പ്പെട്ടയാളാണ് മന്ത്രി പാണ്ഡ്യരാജന്‍.