റിയാദ്: സഊദി സന്ദര്‍ശനത്തിനെത്തിയ ഐക്യ രാഷ്ട്ര സഭ സെക്രട്ടറി ജനറല്‍ അന്റോണിയോ ഗുട്ടെറസ് സഊദി ഭരണാധികാരി സല്‍മാന്‍ ഇബ്‌നു അബ്ദുള്‍ അസീസ് രാജാവുമായി കൂടിക്കാഴ്ച നടത്തി.

റിയാദ് അല്‍ യമാമ കൊട്ടാരത്തില്‍ നടന്ന കൂടിക്കാഴ്ച്ചയില്‍ ഇരു നേതാക്കളും അന്താരാഷ്ട്ര കാര്യങ്ങളും മേഖലയിലെ പ്രധാന സംഭവങ്ങളും ചര്‍ച്ചയില്‍ വിഷയമായി.

ഐക്യ രാഷ്ട്ര സഭ സെക്രട്ടറിയായി തിരഞ്ഞെടുക്കപ്പെട്ടതില്‍ സഊദി ഭരണാധികാരി ഗുട്ടെറസുമായി സന്തോഷം പങ്കു വെക്കുകയും ചെയ്തു .

സെക്രട്ടറി ജനറല്‍ സ്ഥാനം ഏറ്റെടുത്ത ശേഷം ആദ്യമായി സഊദിയിലെത്തിയ അദ്ദേഹത്തെ വിമാന താവളത്തില്‍ സഊദി വിദേശ കാര്യ മന്ത്രി ആദില്‍ അല്‍ ജുബൈറിന്റെ നേതൃത്വത്തിലുള്ള സംഘം സ്വീകരിച്ചു