ഇരിങ്ങാലക്കുട: സഹോദരിയെ ശല്യം ചെയ്തത് ചോദ്യം ചെയ്ത യുവാവ് മര്‍ദ്ദനമേറ്റു മരിച്ചു. ഇരിങ്ങാലക്കുട സ്വദേശി സുജിത് വേണുഗോപാലാണ് മരിച്ചത്. സുജിത്തിന്റെ സഹോദരിയെ മിഥുന്‍ എന്ന ഓട്ടോഡ്രൈവര്‍ നിരന്തരമായി ശല്യം ചെയ്തിരുന്നു. ഇത് ചോദ്യം ചെയ്യാനെത്തിയ സുജിതിനെ ക്രൂരമായി മര്‍ദ്ദിക്കുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. ഗുരുതരമായി പരുക്കേറ്റ സുജിതിനെ ആശുപത്രിയില്‍ പ്രവേശിപ്പിച്ചെങ്കിലും ഇന്ന് രാവിലെയോടെ മരണപ്പെടുകയായിരുന്നു.