തിരുവനന്തപുരം: സഹോദരന്റെ മരണത്തില്‍ കുറ്റവാളികളെ ശിക്ഷിക്കണമെന്നാവശ്യപ്പെട്ട് സെക്രട്ടറിയേറ്റിനു മുന്നില്‍ സമരം നടത്തിവന്ന ശ്രീജിത്ത് സമരം അവസാനിപ്പിച്ചു. സി.ബി.ഐ കേസ് ഏറ്റെടുത്ത സാഹചര്യത്തിലാണ് ശ്രീജിത്ത് സമരം അവസാനിപ്പിക്കാന്‍ തീരുമാനിച്ചത്.

 സമരം ഇനിയും തുടരുന്നതുകൊണ്ട് കാര്യമില്ല. സി.ബി.ഐയില്‍ പൂര്‍ണ വിശ്വാസമുണ്ട്. ഇനി സി.ബി.ഐ അന്വേഷിക്കട്ടെയെന്നും ശ്രീജിത്ത് മാധ്യമങ്ങളോട് പറഞ്ഞു. സി.ബി.ഐ സംഘത്തിന് മുന്നില്‍ മൊഴി നല്‍കിയ ശേഷമാണ് ശ്രീജിത്ത് സമരം അവസാനിപ്പിച്ചതായി അറിയിച്ചത്.

സി.ബി.ഐ അന്വേഷണം പ്രഖ്യാപിച്ച സാഹചര്യത്തില്‍ ശ്രീജിത്തിന് പിന്തുണയുമായി സമരം നടത്തിവന്ന ഫേസ്ബുക്ക് കൂട്ടായ്മ കഴിഞ്ഞദിവസം സമരം അവസാനിപ്പിച്ചിരുന്നു.