നെടുമ്പാശേരി: മലദ്വാരത്തില്‍ ഒളിപ്പിച്ചു കടത്താന്‍ ശ്രമിച്ച പത്തുലക്ഷം രൂപയുടെ സ്വര്‍ണം വിമാനത്താവളത്തില്‍ കസ്റ്റംസ് വിഭാഗം പിടികൂടി. ബാങ്കോക്കില്‍ നിന്ന് എത്തിയ മഹാരാഷ്ട്ര താനെ സ്വദേശി  ജയമോഹന്‍ ലാലാണ് പിടിയിലായത്. പത്തു ലക്ഷം രൂപയോളം വില വരുന്ന 352 ഗ്രാം സ്വര്‍ണം ഇയാളില്‍ നിന്നു പിടികൂടിയിട്ടുണ്ട്. ഇയാളുടെ കൈയില്‍ ധരിച്ചിരുന്ന വളയുടെ തൂക്കത്തില്‍ സംശയംതോന്നി കസ്റ്റംസ് പരിശോധിക്കുമ്പോള്‍ നെഞ്ച് വേദന അഭിനയിച്ച ഇയാളെ അങ്കമാലിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. തുടര്‍ന്ന് നടത്തിയ പരിശോധനയിലാണ് മലദ്വാരത്തില്‍  ഒളിപ്പിച്ച സ്വര്‍ണം കണ്ടെത്തിയത്. ഇയാള്‍ സ്വര്‍ണക്കടത്ത് സംഘത്തിന്റെ കാരിയര്‍ ആണെന്നാണ് കസ്റ്റംസ് നിഗമനം.