ലഖ്‌നൗ: റിപബ്ലിക് ദിനത്തില്‍ ഉത്തര്‍പ്രദേശിലെ കാസ്ഗഞ്ചിലുണ്ടായ വര്‍ഗീയ സംഘര്‍ഷത്തിനിടയില്‍ യുവാവ് കൊല്ലപ്പെട്ട സംഭവത്തില്‍ ഒരാള്‍ അറസ്റ്റില്‍.
അഭിഷേക് ഗുപ്ത എന്ന ചന്ദന്‍ ഗുപ്തയാണ് സംഘര്‍ഷത്തിനിടയില്‍ കൊല്ലപ്പെട്ടത്. സംഭവത്തില്‍ മുഖ്യപ്രതിയെന്ന് പൊലിസ് കണക്കാക്കുന്ന സലീം ജാവേദ് ആണ് അറസ്റ്റിലായത്.
ഇയാളുടെ രണ്ട് സഹോദരന്മാരായ വസീം, നസീം എന്നിവരുള്‍പ്പെടെ 17 പേര്‍ക്കെതിരേ പൊലിസ് കേസെടുത്തിട്ടുണ്ട്. ഇവരെ ആരേയും പിടിക്കാനായിട്ടില്ലെന്ന് ആഗ്ര പൊലിസ് ഡയരക്ടര്‍ ജനറല്‍ അജയ് ആനന്ദ് അറിയിച്ചു.