വെസ്റ്റ് ബാങ്ക്: ഇസ്‌റാഈല്‍ സൈന്യവും ഫലസ്തീനികളുമായുണ്ടായ സംഘര്‍ഷത്തില്‍ കൗമാരക്കാരന്‍ കൊല്ലപ്പെട്ടു. വെസ്റ്റ് ബാങ്കില്‍ നടന്ന സംഘര്‍ഷത്തില്‍ 16 കാരനായ ലൈഥ് അബൂ നയാമാണ് സൈന്യത്തിന്റെ വെടിവയ്പില്‍ കൊല്ലപ്പെട്ടതെന്ന് ഫലസ്തീന്‍ ആരോഗ്യ മന്ത്രാലയം പറഞ്ഞു.
മുഗ്‌യാര്‍ എന്ന പ്രദേശത്ത് പെട്രോളിങ്ങിനെത്തിയ ഇസ്‌റാഈല്‍ സൈന്യം ഫലസ്തീനികള്‍ക്കെതിരേ വെടിവയ്ക്കുകയായിരുന്നുവെന്ന് മേയര്‍ ഫറജ് അല്‍ നസാന്‍ പറഞ്ഞു. ജീവന്‍ ഭീഷണിയാവുന്ന സാഹചര്യങ്ങളൊന്നുമില്ലാഞ്ഞിട്ടും സൈന്യം വെടിയുതിര്‍ക്കുകയായിരുന്നുവന്ന് ഫറജ് അല്‍ നസാന്‍ പറഞ്ഞു. എന്നാല്‍ ഫലസ്തീനികള്‍ക്കെതിരേ വെടിവയ്ച്ചിട്ടില്ലെന്ന് ഇസ്‌റാഈല്‍ സൈന്യം പറഞ്ഞു. സംഘര്‍ഷങ്ങള്‍ പിരിച്ചുവിടാന്‍ സാധാരണ ടിയര്‍ ഗ്യാസ്, ഗ്രനേഡുകള്‍ എന്നിവയാണ് ഉപയോഗിക്കാറുള്ളത്. ഫലസ്തീനി കൊല്ലപ്പെട്ടതുമായി ബന്ധപ്പെട്ട് അന്വേഷണം നടക്കുകയാണെന്ന് സൈന്യം അറിയിച്ചു.
ജറൂസലമിനെ ഇസ്‌റാഈല്‍ തലസ്ഥാനമായി ട്രംപ് അംഗീകരിച്ചതിന് ശേഷമുള്ള സംഘര്‍ഷത്തില്‍ ഇതുവരെ 18 ഫലസ്തീനികള്‍ കൊല്ലപ്പെട്ടു. ഈ മാസം ആദ്യത്തില്‍ ഇസ്‌റാഈല്‍ സൈന്യം നടത്തിയ വെടിവയ്പില്‍ ഒരു ഫലസ്തീനി കൊല്ലപ്പെട്ടിരുന്നു.
എന്നാല്‍ അനൗദ്യോഗിക കണക്കുപ്രകാരം ഈ വര്‍ഷം ആറുപേര്‍ കൊല്ലപ്പെട്ടെന്ന് റിപ്പോര്‍ട്ടുണ്ട്